ආශා එදිරිසිංහ පුංචි තිරයේ හුරුබුහුටි නිළියක් ලෙස කාගේත් ආදරය දිනාගත් සොඳුරු චරිතයක්. පසුගිය දවසක ඇය ඇගේම ගීතයක් නිකුත් කළාය. වැඩිය කතා බහට ලක් නොවන ආශා පසුගිය දිනක යූ ටියුබ් වැඩසටහනකදී තම අදහස් බෙදා ගත්තා.
“විවාහය කියන මාතෘකාවම හරි ගැඹුරු එකක්. තේරුම් ගන්න අමාරු බැලන්ස් කරන්න අමාරු එකක්…..මිනිස්සු මොනා හරි හිතයි, ඒ නිසා තනියට කවුරු හරි ඉන්න වුවමනා කියන තැන මම නෑ. මගේ වාසනාවට මගේ අම්මයි තාත්තයි අයියයි මේ දේවල් තේරුම් ගත්තා.
මම කියන්නෙ නෑ මම විවාහ වෙන්නෙ නෑ කියලා. හැබැයි මම දැකලා තියෙනවා විවාහ වෙන්න ඕන නිසා විවාහ වෙලා දුක් විඳින නමට පමණක් ඉන්න පිරිස්….. මට ඒ වෙලාවට හිතෙනවා ඇයි මම දුක් විඳින්නේ. අපි මේ ජීවිතේ හැමදේම කරන්නෙ සතුටින් ඉන්නනේ කියලා.
කෙනෙක් විවාහ වෙලත් බොහෝම සතුටින් ඉන්න පුළුවන්.. මං එහෙම ගොඩක් අය දැකලා තියෙනවා. කෙනෙක් සතුටින් ඉන්න පුළුවන් විවාහ වෙලා. වගේම විවාහ නොවීත්. අන්තිමට බලපාන්නේ අපි ජීවිතේ කොච්චරක් සතුටින් ගත කළාද කියන එක”